ვერა მუხინა
| ვერა მუხინა | |
|---|---|
 | |
| დაიბადა | 19 ივნისი (1 ივლისი), 1889 |
| დაბადების ადგილი | რიგა[1] |
| გარდაიცვალა | 6 ოქტომბერი, 1953[2] [3] [4] [5] [6] [7] (64 წლის) |
| გარდაცვალების ადგილი | მოსკოვი[1] |
ვერა მუხინა (რუს. Вера Игнатьевна Мухина; დ. 1 ივლისი, 1889, რიგა — გ. 6 ოქტომბერი, 1953, მოსკოვი) — საბჭოთა მოქანდაკე, სსრკ-ის სახალხო მხატვარი (1943), სსრკ-ის სამხატვრო აკადემიის ნამდვილი წევრი (1947). ხუთგზის სტალინური პრემიის ლაურეატი (1941, 1943, 1946, 1951, 1952)
ბიოგრაფია[რედაქტირება | წყაროს რედაქტირება]
ვერა მუხინა რიგაში დაიბადა მდიდარი ვაჭრის ოჯახში, რომელიც მოგვიანებით მოსკოვში გადავიდა. მოსკოვში ის სხვადასხვა კერძო ხელოვების სკოლაში სწავლობდა, მათ შორის კონსტანტინე იუონისა და ილია მაშკოვის სტუდიებში. განიცადა კუბიზმის გავლენა. 1912 წელს ის პარიზში მოგზაურობს, სადაც გრან შომიერის აკადემიაში ემილ-ანტუან ბურდელის ლექციებს ესწრება. შემდეგ იგი იტალიაში მიემგზავრება, სადაც რენესანსის პერიოდის ფერწერასა და ქანდაკებას ეცნობა. 1918 წელს ალექსეი ზამკოვზე, სამხედრო ექიმზე, იქორწინა.
შემოქმედება[რედაქტირება | წყაროს რედაქტირება]
მისი ყველაზე განთქმული ნამუშევარია „მუშისა და კოლმეურნე ქალის“ უზარმაზარი ქანდაკება, რომელიც 1937 წლის პარიზის საერთაშორისო ექსპოზიიის საბჭოთა პავილიონის ქვაკუთხედი იყო. 24 მ სიმაღლის 75-ტონიანი ქანდაკება უჟანგავი ლითონის ფირფიტებისგან დამზადდა, რომლებიც ერთმანეთთან წერტილოვანი შედუღების ინოვაციური მეთოდით შეერთდა. ორივე ფიგურას ცალ ხელში ნამგალი და ურო უჭირავთ, რომელთა შეერთებით საბჭოთა კავშირის სიმბოლო იქმნებოდა. 1947 წელს ეს ქანდაკება, რომელიც ამჟამად სრულიად რუსეთის საგამოფენო ცენტრშია (ადრე „ვედეენხა“) გამოფენილი, რუსული კინოსტუდია „მოსფილმის“ სიმბოლო გახდა.
1940-იან წლებში მუხინას მხატვრული სტილი უკვე აღარ ჯდებოდა სტალინის ეპოქის სტანდარტებში. მისი პროექტები ან არასდროს აღუმართავთ, ან მნიშვნელოვნად შეუცვლიათ, როგორც ეს საბჭოთა ლიდერების იაკობ სვერდლოვისა და ვლადიმერ ლენინის, ასევე კომპოზიტორ პეტრე ჩაიკოვსკისა და მწერალი მაქსიმ გორკის მონუმენტების შემთხვევაში იყო.
მუხინას მემკვიდრეობას არც ამჟამად სწყალობს დღევანდელი მოსკოვის ხელმძღვანელობა. მუხინას სახლი და სახელოსნო პრეჩისტენსკის 3-ში დანგრევას ექვემდებარება.
გალერეა[რედაქტირება | წყაროს რედაქტირება]
-
ვ. მუხინას სახელოსნო მოსკოვში -
ვ. მუხინას მუზეუმი ფეოდოსიაში -
სამახსოვრო დაფა ფეოდოსიაში ვ. მუხინას მუზეუმის ფასადზე -
ა.მ. გორკის ძეგლი მოსკოვში სსრკ საფოსტო კონვერტზე -
სსრკ საიუბილეო მონეტა, 1967 -
საფოსტო მარკა -
საფოსტო მარკა -
საფოსტო მარკა -
საფოსტო მარკა
)_1200dpi.jpg)
ლიტერატურა[რედაქტირება | წყაროს რედაქტირება]
- ქართული საბჭოთა ენციკლოპედია, ტ. 7, თბ., 1984. — გვ. 229.
რესურსები ინტერნეტში[რედაქტირება | წყაროს რედაქტირება]
სქოლიო[რედაქტირება | წყაროს რედაქტირება]
- ↑ 1.0 1.1 Мухина Вера Игнатьевна // Большая советская энциклопедия: [в 30 т.] / под ред. А. М. Прохоров — 3-е изд. — Москва: Советская энциклопедия, 1969.
- ↑ RKDartists
- ↑ ბროკჰაუზის ენციკლოპედია
- ↑ Bowlt J. E. Mukhina, Vera // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T060208
- ↑ Brozović D., Ladan T. Hrvatska enciklopedija — LZMK, 1999. — 9272 გვრ. — ISBN 978-953-6036-31-8
- ↑ The Fine Art Archive — 2003.
- ↑ Munzinger Personen
- დაბადებული 1 ივლისი
- დაბადებული 1889
- გარდაცვლილი 6 ოქტომბერი
- გარდაცვლილი 1953
- რუსი მოქანდაკეები
- XX საუკუნის მოქანდაკეები
- სსრკ-ის სახალხო მხატვრები
- რსფსრ-ის ხელოვნების დამსახურებული მოღვაწეები
- სტალინური პრემიის ლაურეატები
- საპატიო ნიშნის ორდენის კავალრები
- შრომის წითელი დროშის ორდენის კავალრები
- 1941-1945 წლების დიდ სამამულო ომში მამაცური შრომისათვის მედლით დაჯილდოებულები
- ნოვოდევიჩიეს სასაფლაოზე დაკრძალულები