დისევი

სოფელი
დისევი
ქვეყანა	საქართველო
სპეციალური ერთეული	სამხრეთ ოსეთის დროებითი ადმინისტრაციულ-ტერიტორიული ერთეულისამხრეთ ოსეთის ადმინისტრაცია
მუნიციპალიტეტი	ერედვის მუნიციპალიტეტი
თემი	ქსუისი
კოორდინატები	42°13′45″ ჩ. გ. 44°05′54″ ა. გ.
ცენტრის სიმაღლე	1000 მ

დისევი — სოფელი საქართველოში, ერედვის მუნიციპალიტეტში (ქსუისის ადმინისტრაციული ერთეული).

გეოგრაფია

მდებარეობს მდინარეების პატარა ლიახვისა და მეჯუდის წყალგამყოფი ქედის დასავლეთ მთისწინეთში, მდინარე ჭარებულის (აძურის მარჯვენა შენაკადი) მარცხენა მხარეს, ზღვის დონიდან 1000 მეტრი, ერედვიდან 7 კმ-ში, ცხინვალიდან — 15 კმ-ში.

ისტორია

ვახუშტი ბატონიშვილი (XVIII ს.) სოფელს დიცევის სახელით მოიხსენიებს. 1922-1990 წლებში შედიოდა სამხრეთო ოსეთის ავტონომიური ოლქის ცხინვალის რაიონში, ოლქის გაუქმების შემდეგ, 1990-2006 წლებში — გორის მუნიციპალიტეტში, 2006 წლიდან — ერედვის მუნიციპალიტეტში.

1990-იან წლებში ცხინვალის რეგიონში კონფლიქტის დაწყების შემდეგ სოფელი დისევი რჩებოდა საქართველოს ხელისუფლების კონტროლის ქვეშ. რუსეთ-საქართველოს 2008 წლის აგვისტოს ომის დროს მოწინააღმდეგის თავდასხმების გამო ადგილობრივი მოსახლეობა იძულებული გახდა დაეტოვებინა სოფელი, რომელიც მოგვიანებით გაძარცვეს და გადაწვეს ოსურმა დაჯგუფებებმა. ამჟამად დისევი ოკუპირებულია რუსეთის ფედერაციის მიერ და მასზე ვრცელდება საქართველოს შესაბამისი კანონმდებლობით განსაზღვრული სამართლებრივი რეჟიმი.

ღირშესანიშნაობები

სოფლის აღმოსავლეთ ნაწილში, გორაკზე, დგას ქართული ხუროთმოძღვრების ძეგლი — X საუკუნის ძელიცხოვლის დარბაზული ეკლესია. სოფლიდან ჩრდილო-აღმოსავლეთით 3-4 კმ-ზე, მთაში, შემორჩენილია გვიანი შუა საუკუნეების ზურგიანი კოშკი.

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 569.

• ენციკლოპედია „საქართველო“, ტ. 2, თბ., 2012. — გვ. ?.